ބްލޮގްގެ ތަޢާރަފް

މި ބުލޮގަކީ ދިވެހިރާއްޖޭގެ ގައުމީ ޔުނިވަރސިޓީގެ، ފެކަލްޓީ އޮފް އެޑިޔުކޭޝަން އިން ހިންގާ މާސްޓާސް އޮފް އެޑިޔުކޭޝަން އިން ދިވެހި ލެންގުއޭޖް، މި ކޯހުގެ އައިސީޓީ އިން އެޑިޔުކޭޝަން (EST 535) މި މޮޑިޔުލްގެ ޕޯޓްފޯލިޔޯއަށް ތައްޔާރުކޮށްފައިވާ ބުލޮގެކެވެ.  އައިސީޓީ މި މޮޑިޔުލްއަކީ ކިޔަވަދިނުމުގެ ދާއިރާގައި މަސައްކަތްކުރާ މުދައްރިސުންނަށް އެނގުން މުހިންމު މައުލޫމާތުތަކެއް ކިޔަވައިދޭ މޮޑިއުލެކެވެ. މި މޮޑިއުލް ކިޔެވުމުން އަޅުގަނޑަށް އައިސީޓީއާ ގުޅުން ހުރި ވަރަށް ގިނަ މައުލޫމާތުތަކާއި، ޓޫލްސްތައް އެނގިގެން ހިނގައްޖެއެވެ. އެހެންކަމުން މިއީ ވަރަށް މުހިންމު މޮޑިއުލެއްކަމަށް، އަޅުގަނޑު ޤަބޫލުކުރަމެވެ.

މި ބުލޮގުގައި އައިސީޓީ އާއި ބެހޭ ތަފާތު މައުލޫމާތުތަކާއި، ކިޔެވުމުގައި، ކިޔަވައިދިނުމުގައި އަދި އެސެސްމަންޓް ހެދުމުގައި އައިސީޓީ ބޭނުންކުރެވޭނެ ގޮތްތަކާއި، ފައިދާތައް، އެކަމަށް ހުރި ހުރަސްތައް ހިމަނާފައިވާނެއެވެ. މީގެއިތުރުން ޕްރެކްޓިކަލް ނަމޫނާ ފިލާވަޅުތަކާއި، އައިސީޓީ ޓޫލްތަކާ ބެހޭ މައުލޫމާތުތަކާއި، ވީޑިޔޯތައް މި ބޮލޮގްގައި ހިމެނޭނެއެވެ. ބޮލޮގްގައި މައިގަނޑު 4 ދާއިރާއެއް ހިމަނާފައިވާނެއެވެ. އެއީ ދާއިރާ 1، ދާއިރާ 2، ދާއިރާ 3 އަދި ދާއިރާ 4 އެވެ. ދާއިރާތަކުގެ އިތުރުން އައިސީޓީ ހަތަރު ޓޫލަކާ ބެހޭ މައުލޫމާތާއި، ބޭނުންކުރާނެ ގޮތް ހިމަނާފައިވާނެއެވެ. އުންމީދުކުރަނީ މި ބުލޮގަކީ، މުދައްރިސުންނާއި ދަރިވަރުންނަށް ވަރަށް ބޭނުންތެރި ބުލޮގަކަށް ވުމެވެ.