ޕެޑްލެޓް

ޕެޑްލެޑްއަކީ އެއްވެސް އަގަކާއިނުލައި ބޭނުންކުރެވޭ، އޮންލައިން "ވާރޗުއަލް" ބުލެޓީން ބޯޑެކެވެ. ދަރިވަރުންނާއި މުދައްރިސުން އެކުގައި މަސައްކަތްކުރެވޭ ގޮތަށް ފަރުމާ ކޮށްފައިވާ މި މަންސައިގައި ފައިލްތައް ޝެއރަކޮށް، ހިޔާލުތައް ހުށަހަޅާ، ރިވެލިކޮށްލާ، ފޯޓޯ ފަދަ ތަކެތި ސެކައުރަކޮށް އަޕްލޯޑްކުރެއެވެ.

    ވީޑިއޯ: ޕެޑްލެޓްއަކީ ކޮބާ؟

 ޕެޑްލެޓް ބޭނުންކުރާ ގޮތް

ފަށައިގަތުން

-        www.padlet.com   އަށް ވަންނަވާ!

1-    ކުރީގައި އުފައްދާފައިވާ އެކައުންޓަކުން ލޮގިންވެލައްވާ!

ނުވަތަ

2-    "ސައިން އަޕް" އަށް ފިއްތާލުމަށްފަހު، ޕެޑްލެޓް އެކައުންޓެއް އުފައްދަވާ!

ހޯމްޕޭޖް

1-    "ކުރިއޭޓް ނިއު ޕެޑްލެޓް" އަށް ފިއްތާލާ!

2-    ފުރަތަމަ ޕެޑްލެޓް ވޯލަށް މަރުހަބާ!

ވޯލް ޑިޒައިންކުރުމާއި، މެނޭޖްކުރުން

1-    "މޮޑިފައި ވޯލް" އައިކޮން ނެގުމުން، ވޯލް ކޮންޓުރޯލް މެނޫ ފެނިގެންދާނެ.

2-    އެމެނޫގެ މަތިން ފެށިގެން ތިރިއަށް، ފުރަން ހުރި ބައިތައް ފުރިހަމަކޮށްލާ!

ހ- އަމިއްލަ ފޮޓޯ އާއި ، ވޯލްޕެޕަރ އަށް ބޭނުން ފޮޓޮއެއް އަޕްލޯޑް ކުރެވޭނެ.

ވޯލްޕެޕަރ

1-    ވޯލްޕެޕަރ އެކްސްޕުލޯރކޮށްލައްވާ! ވަރަށް ރީތި ބޭނުންތެރި ވޯލްޕެޕަރސް ފެނިގެންދާނެ.

 

ލޭއައުޓް

1-    ލޭއައުޓްގެ މާނައަކީ ސްޓިކީ ނޯޓްސްތައް ބޯރޑްގައި ޕޯސްޓްކުރާނެ ގޮތް.

2-    އެންމެ ކަމުދާ ލޭއައުޓެއް ހިޔާރުކުރެއްވުމަށް، އަމިއްލައަށް ތަޖުރިބާކޮށްލައްވާ!

 

ޕުރައިވަސީ ޕޮލިސީ

މިއީ ޕެޓްލެޓް ވެލިޔުބަލް ކޮލަބުރޭޓިވް ޓޫލަކަށް ހަދައިދިނުމުގައި އެންމެ ބޮޑޫ ރޯލެއް އަދާކުރާ ބައެވެ. މުދައްރިސުން ޕެޑްލެޓް ވޯލެއް ހެދުމަށްފަހު، އެކިކަހަލަ ޕުރައިވަސީ ސެޓިންގްތައް ހެދޭނެއެވެ.

1-    މަތިން ފެށިގެން ތިރިއަށް ބަލާލުމަށް، ވަގުތުކޮޅެއް ހޭދަކޮށްލާ!

2-    އާންމުކޮށް މުދައްރިސުން ހިޔާރުކުރަނީ:

ހ- ހިޑަން ލިންކް – ކޭން ރައިޓް

3-    ޕޯސްްޓް މޮޑަރޭޓްކޮށްލަން ބޭނުންނަމަ، އެ އޮޕްޝަންއަށް ފިއްތާލާ!

4-    މި ބައިތައް ފުރައި ނިމުމުން "ސަބްމިޓް" ކޮށްލައްވާ!

ނޮޓިފިކޭޝަން

ނޮޓިފިކޭޝަން އަންނަ ގޮތަށް ހަދަން ބޭނުންނަމަ، ނޮޓިފިކޭޝަން އަށް ދިއުމަށްފަހު، އެބައި އޮންކޮށްލައްވާ!

ކަސްޓަމް ޔޫރާލްއެއް އެއް އުފައްދަން ބޭނުންނަމަ

1-    ޕޮޓިންޝިއަލް ޔޫއާރްއެލްއަށް ވަނުމަށްފަހު "ޕިކް އަ ޕެޑްލެޓް.ކޮމް އެޑްރެސް" ނަންގަވާ!

2-    ގުރީން ޗެކްމާރކް "އެވައިލަބަލް" ލިބުމުން "ޕިކް" އަށް ފިތާލާ!

3-    ރައިޓް ކުލިކެއް ދިނުމަށްފަހު، "ކަރަންޓް އެޑްރެސް ބޮކްސް" ގައި ޔޫއާރްއެއް ކޮޕީކުރުމަށްފަހު، ޕޭސްޓްކޮށްލައްވާ!

4-    ކޮލާބުރޭޓްކޮށް މަސައްކަތްކޮށްލައްވަން ބޭނުންވާ ފަރާތްތަކާ / ދަރިވަރުންނާ ހިއްސާކޮށްލައްވާ!

   ކޮޕީ / ޑިލިޓް ވޯލް

 

1-    ކޮޕީ އޮޕްޝަން ސެލެކްޓް ކޮށްލައްވާ!

2-    ޑިލިޓްކޮށްލުމުގެ ބަދަލުގައި ވޯލް އެއްކޮށް ވެސް ކުލިއަރކޮށްލެވޭނެ.

ސުވާލެއް އެބައޮތްތަ؟

1-    ޕެޑްލެޓްގެ ކަމެއް އޮޅުންފިލުވަން ނުވަތަ އިތުރަށް އެނގެން ބޭނުންނަމަ، "?" މި އައިކޮންއަށް ކުލިކްކޮށްލައްވާ!

    ވީޑިއޯ: ޕެޑްލެޓަށް ސައިން-އިން ވާނީ ކިހިނެތް؟

ކިޔަވައިދިނުމުގައި ޕެޑްލެޓް ބޭނުންކުރާނެ ގޮތް

ޕެޑްލެޓް މަންސައަކީ ކިޔަވައިދިނުމުގައި ވަރަށް ބޮޑަށް އެހީތެރިވެދޭނެ މަންސައެކެވެ. މިގޮތުން މި ވެބްސައިޓް ފަރުމާކޮށްފައިވަނީ، މުދައްރިސުންނާއި ދަރިވަރުން ގުޅިގެން ، އެކުއެކީގައި މަސައްކަތް ކުރެވޭ ގޮތަށެވެ. ފީޑްބެކް ދިނުމާއި، ފޮޓޯ، މަސައްކަތް ފަދަ ތަކެތި އަޕްލޯޑް ކުރެވެއެވެ. ހަމައެހެންމެ އަޕްލޯޑްކުރާ މަސައްކަތް ގޫގަލް ކުލާސްރޫމް ފަދަ އޮންލައިން މަންސަތަކުގައި ބޭނުންކުރެވެއެވެ.

-       ކުލާސްރޫމްގައި ޕެޑްލެޓް ބޭނުންކުރެވޭނެ 10 ގޮތް

    ވީޑިއޯ: ކްލާސްރޫމުގައި ޕެޑްލެޓް ބޭނުންކުރެވޭނެ ގޮތްތައް.

މުދައްރިސުން ޕެޑްލެޓް  ބޭނުންކުރާނެ ގޮތް

މުދައްރިސުން ދަރިވަރުން، ލައްވާ ހައްދަން ބޭނުންވާ މަސައްކަތް ޕެޑްލެޓަށް އަޕްލޯޑް ކުރެވޭނެއެވެ. އަދި އަމިއްލަ ޕެޑްލެޓް އަމިއްލައަށް ބޭނުން ގޮތަކަށް ޑިޒައިން ވެސް ކުރެވޭނެއެވެ. ދަރިވަރުންގެ ޝައުޤުވެރިކަމާއި، ބައިވެރިވުން ލިބޭނެ ގޮތަށް ފަރުމާކޮށްފައިވާ މި ޕްލެޓްފޯމަކީ، އެއްވެސް އަގަކާއި ނުލައި މުދައްރިސުންނަށް ފަސޭހަކާއެކުގައި ބޭނުންކޮށްލެވޭނެ މަންސައެކެވެ. ހަމައެހެންމެ މުދައްރިސުންނަށް ލިބިފައިވާ ޕްރައިވަސީ ސެޓިންގއިން ދަރިވަރުންގެ ބިހޭވިއަރ ރަނގަޅުގޮތުގައި ހިފެހެއްޓުމަށް ވެސ ްމަގުފަހިކޮށްދެއެވެ. އެހެންކަމުން މިއީ އަހުލާގީ މިންގަނޑުތައް ހިފެހެއްޓުމާއެކުގައި، ކިޔަވައިދިނުމަށް މަގުފަހިކުރުވާ، ކޮލާބުރޭޓިވް ޓޫލްއެކެވެ.

ދަރިވަރުން ޕެޑްލެޓް ބޭނުންކުރާނެ ގޮތް

މުދައްރިސުން އެސައިން ކުރާ މަސައްކަތްތައް ދަރިވަރުންނަށް ފުރިހަމަކުރެވޭނެއެވެ. ޕެޑްލެޓެ އެކައުންޓެއް ނެތް ނަމަވެސް ދަރިވަރުންނަށް، އެ މަސައްކަތް ޕެޑްލެތްގައި ފުރިހަމަކުރެވޭނެއެވެ. މުދައްރިސުން އެކްސަސް ދިފައިވާ މިންވަރަކުން ދަރިވަރުންނަށް އެ ޕޯސްޓަކާ ގުޅޭގޮތުން ކޮމެންތްކޮށް، ލިޔެ ހެދޭނެއެވެ.

ކިޔަވައިދިނުމުގައި ޕެޑްލެޓް އެހީތެރިވެދޭ ގޮތް

ކިޔަވައިދިނުމުގއި ތަފާތު ގޮތްގޮތަށް ޕެޑްލެޓް ބޭނުންކުރެވެއެވެ. އެހެންކަމުން މިއީ މުދައްރިސުންގެ ވޯކްލޯޑް ކުދާވެ، ދަރިވަރުންގެ ބައިވެރިވުން ލިބުމާއެކުގައި، ޝައުުޤުވެރިކަމާއެކުގައި ފިލާވަޅު އަދި މަސައްކަތްތައް ކުރިއަށް ގެންދެވޭނެ ގޮތެކެވެ.

#	މުދައްރިސުންނަށް ލިބޭނެ ފައިދާތައް	ދަރިވަރުންނަށް ލިބޭނެ ފައިދާތައް
1	ކުޑަ ވަގުތުކޮޅެއްގެ ތެރޭގައި މަސައްކަތް އެކުލަވާލެވޭ.	މަސައްކަތްތައް ފަހަށް ރައްކާކުރެވޭ.
2	މަސައްކަތްތައް ފަހުން ވެސް ބަލާ ޗެކްކޮށްލެވޭ.	ބޭނުންވާ ޑިޒައިނަކަށް ޕެޑްލެޓް ޑިޒައިން ކޮށްލެވޭ.
3	ތަފާތު ޓާސްކްތައް ދަރިވަރުންނާ ހަވާލުކުރެވޭ.	ގްރޫޕް ޑިސްކަޝަންތައް ބާއްވާލެވޭ.
4	ގިނަ ދަރިވަރުންތަކެއްގެ ބައިވެރިވުން ލިބި، ޝައުޤުވެރިކަން އިތުރުކޮށްދޭ.	ފިލާވަޅުން ފަހުމުވި މިންވަރަށް މުދައްރިސާ ހިއްސާކުރެވޭ.

ޕެޑްލެޓް ބޭނުންކުރުމުގައި ހުރި ގޮންޖެހުންތައް

މުދައްރިސުންނާއި ދަރިވަރުންނަށް ހުރި ގޮންޖެހުންތައް

އެކައުންޓެއްނެތި، ޕެޑްލެޓަށް ވަންނަނަމަ، ސިސްޓަމްގައި "ކުކީސް" ކުރިއޭޓް ކުރޭ.

ޕުރައިވަސީ ސެޓިންގް ނަހަދާނަމަ، ކުދިންނަށް ބޭނުން އެއްޗެއް ލިޔެވުން.

އެތިކަލް ކޮންސިޑަރޭޝަން އޮފް ޕެޑްލެޓް

ޕެޑްލެޓްގައި އެތިކަލް ކޮންސިޑަރޭޝަންއަށް ވަރަށް ބޮޑަށް ބަލާފައިވެއެވެ. މިގޮތުން ދަރިވަރުން ހިމަނައިގެން މަސައްކަތެއްދޭނަމަ، (13 އަހަރުން ދަށުގެ) "ޗިލްރެން އޮންލައިން ޕުރައިވަސީ ޕޮރޮޓެކްޝަން އެކްޓް" ގާނޫނަށް ވިސްނަން ޖެހެއެވެ. މިގޮތުން މި މަންސަ ބޭނުންކުރުމަށް، ބެލެނިވެރިޔާގެ ހުއްދަ ހޯދަން ޖެހެއެވެ. މި މަންސައިގައި، އެމީހެއްގެ އަމިއްލަ ޕެޑްލެޓްގައ ހިއްސާކުރާ އެއްޗަކީ "އިންޓަރލެކްޗުއަލް ޕޮރޮޕަޓީ ރައިޓްސް" ގެ ދަށުން އެމިހަކަށް އެކަނި، ނޫންނަމ އެމީހެއްގެ ހުއްދަ ހޯދައިގެން

ބޭނުންކުރަން ޖެހޭ އެއްޗެކެވެ. ހަމައެހެންމެ ކޮންމެ ޕެޑްލެޓެއްގައި ލިޔާ އެއްޗަކަށް ވެސް ޓްރޭޑް މާކެއް ދެވިފައިވެއެވެ. އެހެންކަމުން ޕެޑްލެޓް، މި މަންސައަކީ ވަރަށް ބޮޑަށް އެތިކްސް އަށް ބަލާ މަންސައެއްކަން ފާހަގަކުރެވެއެވެ.

    ވީޑިއޯ: ޕެޑްލެޓްގެ އެތިކަލް ކޮންސިޑަރޭޝަން.