އައިސީޓީ އެހީގައި، އުނގެނުމުގެ ތަފާތު ވައްތަރުތަކަށް އެހީތެރިވެދޭ ގޮތްތައް.

އުނގެނުމުގެ ތިން ވައްތަރެއް (އޮޑިޓަރީ، ވިޝުއަލް، ކައިނެސްތެޓިކް) ވާއިރު، އައިސީޓީ ބޭނުންކުރުމުން މި ތިންވަރުގެ ކިޔަވާ ކުދިންނަށް ވެސް، ފަސޭހައިން ފިލާވަޅު ދެނެގަނެވި އޭގެތެރެއަށް ވަދެވިގެން ދާނެއެވެ. އެހެނީ އައިސީޓީ ބޭނުންކުރާނަމަ، ތަފާތު ފޯމެޓްތަކާއި، އޯޑިޔޯ، ވީޑިޔޯ، ފޯޓޯ ފަދަ ތަކެތި ބޭނުން ކޮށްގެން ފިލާވަޅު ކުރިއަށް ގެންދިއުމަށް މަގުފަހިވެގެންދާތީއެވެ. ފިލާވަޅެއް ރޭއްވުމުގައި މި ތިންބައި ހިމެނޭ ގޮތަށް ފިލާވަޅު ރާއްވަން ފަސޭހަވާނެތިއެވެ.

ތާވަލު 1 (އައިސީޓީ ބޭނުންކޮށްގެން ފިލާވަޅެއް ގެންދާނެ ގޮތުގެ ނަމޫނާއެއް)

ގްރޭޑް: 11	ސުރުޙީ: ދަތުރުނާމާ	މަޤްސަދު: ހަވާލުކުރާ މައުޟޫއަށް، ދެވޭ މައުލޫމާތުތައް ހިމަނައިގެން ދަތުރުނާމާއެއް ލިޔުން.
ބޭނުންކުރާ އައިސީޓި ޓޫލް: ޕީޕީޓީ، ވީޑިޔޯ
ފެށުން	-        ދަތުރުނާމާއަކީ ކޮބައިކަން ދަރިވަރުންނަށް އޮޅުންފިލުވައިދިނުން. -        ތަޢާރަފް، ދަތުރުގެ އުސްއަލިތައް، ނިންމުން. މި ތިންބައި ހިމަނައިގެން ދަތުރުނާމާ ލިޔާނެ ގޮތް ދަރިވަރުންނަށް އޮޅުންފިލުވައިދިނުން.
މައިގަނޑު	-        ނަމޫނާ ދަތުރުނާމާއެއް ވީޑިޔޯއެއް ގޮތަށް ދަރިވަރުންނަށް އަޑުއިއްވުން (ފޮޓޯތައް ދައްކަމުން، އަޑުރިކޯޑްކޮށްފައި) -        ދަރިވަރުންނަށް އަޑުއިއްވި، ދަތުރުނާމާގައި ހިމެނޭ މުހިންމު ޕޮއިންޓްތައް ޕްރެޒެންޓޭޝަނެއްގެ އެހީގައި، ހައިލައިޓްކުރަމުން އޮޅުންފިލުވައިދިނުން.
ނިންމުން	-        އެ ދަރިވަރަކު ކުރި ދަތުރަކާ ގުޅޭ ގޮތަށް ދަތުރުނާމާއެއް ލިޔުއްވުން.

ނޯޓް: މިއީ ކުލާހުގައި ފިލާވަޅު ގެންދެވިދާނެ ގޮތުގެ ހިޔާލެކެވެ. ފުރިހަމަ ލެސަން ޕްލޭނެއް ނޫނެވެ.

ތާވަލު 1 ގައި އެވަނީ އައިސީޓީ ޓޫލެއް ބޭނުންކޮށްގެން ފިލާވަޅެއްގައި މި ތިންވައްތަރު ހިމަނާނެ ގޮތުގެ މިސާލެކެވެ. އެންމެ ފުރަތަމަ ދަތުރުނާމާ ލިޔާނެ ގޮތް ޕްރެޒެންޓޭޝަނުން ދައްކަމުން، އަނގަބަހުން އޮޅުންފިލުވައިދެމެން ގެންދިޔުމުން، އޮޑިޓަރީ އަދި ޥިޝުއަލް ލާރނާސްއަށް ފިލާވަޅު ފަހުމުވެގެންދާނެއެވެ. އަދި ނަމޫނާ ރިޕޯޓެއް ވީޑިޔޯއަކުން ދައްކާލުމުން ދަރިވަރުންގެ ކުރިމަތީގައި ރިޕޯޓު، ލިޔަންވީ ގޮތުގެ ތަސައްވަރެއް ކުރެހިގެންދާނެއެވެ. އަދި ފަހުން، އެބައިތައް އޮޅުންފިލުވައިދިނުމުން، އިތުރަށް ފިލާވަޅުގެ ތެރެއަށް ވަދެވޭނެއެވެ. ނިންމުމުގެ ގޮތުން އެކުއްޖަކު ކޮށްފައިވާ ދަތުރަކާ ބެހޭގޮތުން ލިޔަން ދިނުމުން، ދަތުރުނާމާ އަމިއްލަ ދިރިއުޅުމާ ގުޅުވާލަން ދަސްވެގެންދާނެއެވެ. އެހެންކަމުން މިގޮތަށް ކިޔަވައިދޭ ފިލާވަޅުގައި އައިސީޓީ ބޭނުންކުރުމުން ތިން ވައްތަރުގެ ލާރނާސްއަށް ވެސް ފިލާވަޅު ފަހުމުވާލެއް އަވަސްވާނެއެވެ.

ކުރިޔަށް: އައިސީޓިގެ އެހީގައި އުނގެނުމާއި، އުނގަންނައިދިނުމުގައި ބޭނުންކުރެވޭނެ ތަފާތު ސްޓެރެޓަޖީސްތައް.