Reviewed by ވާޖިދާ ހާރޫން
on
يوليو 06, 2020
Rating:
އަޅުގަނޑަކީ 2013 ވަނަ އަހަރު ބެޗްލަރ އޮފް އާޓްސް އިން ދިވެހި ލެންގުއޭޖް ފުރިހަމަކުރުމަށްފަހު، ދިވެހި މާއްދާ ކިޔަވައިދެމުން އަންނަ މީހަކީމެވެ. ހަމައެހެންމެ ދިވެހިރާއްޖޭގެ ޤައުމީ ޔުނިވަރސިޓީގައި މަސައްކަތްކުރާ ޕާޓްޓައިމް ލެކްޗަރަރއަކީމެވެ. ލިޔުންތެރިކަމާ، ލިންގުއިސްޓިކް އަދި އައިސީޓީ އަކީ ވަރަށް ޝައުޤުވެރިވާ ދާއިރާތަކެކެވެ. މިހާރު ފެކަލްޓީ އޮފް އެޑިޔުކޭޝަނުން، މާސްޓަރސް އޮފް އެޑިޔުކޭޝަން އިން ދިވެހި ލެންގުއޭޖް ޓީޗިންގް ފުރިހަމަކުރަމުން އަންނަ އަޅުގަނޑުގެ އުންމީދަކީ ދިވެހިރާއްޖޭގައި ތައުލީމީ ދާއިރާގެ އުނގަންނައިދިނުމުގެ ވައްޓާފާޅިގައި މިހާރަށްވުރެ ބޮޑަށް، އައިސީޓީ އިންޓަރގުރޭޓް ކޮށްގެން ކިޔަވައިދޭތަން ފެނުމެވެ.
މި މާއްދާ ކިޔަވައިދެއްވާ ޑޮކްޓަރ އާމިނަތު ޝާފިޔާ އާދަމް އަކީ ނިއުޒިލޭންޑްގެ ވައިކަޓޯ ޔުނިވަރސިޓީއިން ޕީއެޗްޑީ ހާޞިލު ކުރައްވާފައިވާ ދާރިސެކެވެ. މިހާރު ގައުމީ ޔުނިވަރސިޓީގެ އެސިސްޓެންޓް ޕްރޮފެސަރގެ މަޤާމުގައި މަސައްކަތްކުރައްވަމުން އަންނަ ޝާފިޔާއަކީ އައި.ސީ.ޓީ ކިޔަވައިދެއްވުމަށް ވަރަށް ޤާބިލު ބޭފުޅެކެވެ. އައި.ސީ.ޓީ އާއި ގުޅޭ ތަފާތު ކަންތައްތަކާއި، ޓޫލްސްތައް ދަރިވަރުންނަށް އޮޅުންފިލުވައިދެއްވަނީ ވަރަށް ވެސް ފުރިހަމައަށެވެ. ހަމައެހެންމެ ކިޔަވައިދިނުމުގައި އައިސީޓީ ޓޫލްސްތައް ބޭނުންކުރާނެ ގޮތްތައް ކިޔައިދެއްވާ، އެ ޓޫލްސްތައް އަމަލީ މައިދާނުގައި ބޭނުންކުރުމަށް ވަރަށް ބޮޑަށް ބާރުއަޅުއްވާކަން ފާހަގަކުރެވެއެވެ. ޝާފިޔާއަކީ ދިވެހިރާއްޖޭގެ އުނގަންނައިދިނުމުގެ ވައްޓަފާޅީގައި އައިސީޓީ އިންޓަރގުރޭޓްކޮށްގެން ކިޔަވައިދިނުމަށް މުދައްރިސުން ވަރަށް ބޮޑަށް އަހުލުވެރިކުރައްވާ ބޭފުޅެކެވެ. އުނގަންނައިދިނުމުގެ ނިޒާމަށް މިފަދަ ހެޔޮ ބަދަލުތައް ގެނައުމަށް، ޑރ. ޝާފިޔާއަކީ މުހިންމު ދައުރެއް އަދާކުރައްވާ ބޭކަނބަލެއްކަމަށް އަޅުގަނޑު ޤަބޫލުކުރަމެވެ.