އުނގެނުމުގައި އައިސީޓީ ބޭނުން ކުރުމުން ލިބޭނެ ފައިދާތައް
އުނގެނުމުގައި އައިސީޓީ ބޭނުންކުރުމަކީ ވަރަށް ބޭނުންތެރި، އޭގެ ސަބަބުން
އެތަކެއް ފައިދާތަކެއް ލިބިގެންދާނެ ކަމެކެވެ. މިގޮތުން އައިސީޓީގެ ސަބަބުން
ތަފާތު ގޮތްގޮތަށް (އެކްޓިވް، ކޮޮބެރޭޑިވް، ޑިޕެންޑެންޓް، އިންޑިޕެންޑެންޓް)
އުނގެނެން މަގުފަހިވެއެވެ. އަދި އުނގެނުމަށް ފަސޭހައިން އެކްސަސްވެވެއެވެ.
މާނައަކީ ކޮންމެ ވަގުތަކު، ކޮންމެ ތަނަކު ހުރެގެން ވެސް އުނގެނުމުގައި
ބައިވެރިވެއެވެ. ހަމައެހެންމެ ތިމާ އުނގެނޭނީ ކިހިނެތްކަން ކަނޑައަޅަން
ފުރުސަތު ލިބިގެންދެއެވެ. މިސާލަކަށް: ސިމިއުލޭޝަންތޯ ނުވަތަ
އީ.ލަރނިންގތޯ، މީގެތެރެއިން ތިމާ ނަގާނީ ކޮން ވައްތަރެއްތޯ ކަނޑައެޅުމުގެ
ފުރުސަތު، އުނގެނުމުގައި އައިސީޓީ ބޭނުންކުރާނަމަ ލިބިގެންދެއެވެ.
އުނގެނުމުގައި ތަފާތު ގޮތްގޮތަށް އުނގެނޭ ފަރާތްތަކަށް ވެސް އެ ފުރުސަތު
ފަހިކޮށްދެއެވެ. މިގޮތުން ވީޑިޔޯ، އޯޑިޔޯ ބޭނުންކޮށްގެން ވެސް އުނގެނުން
ކުރިއަށްގެންދެވޭނެއެވެ. އުނގެނުމުގައި އައިސީޓީ ބޭނުންކުރާނަމަ، އުނގެނޭ
ހިތްވެ، ފިލާވަޅުގައި ތިމާ އަމިއްލައަށް ވެސް ބައިވެރިވާ މިންވަރު
އިތުރުވެގެންދާނެއެވެ. އަދި ތިމާގެ އުފެއްދުންތެރިކަމާއި، އެންމެހާ
ޤާބިލިއްޔަތުތައް ހަރުދަނާކުރުމަށް ވެސް މަގުފަހިވެގެންދާނެެއެވެ. މިއީ
އުނގެނުމުގައި އައިސީޓީ ބޭނުންކުރުމުން ލިބޭނެ ފައިދާތަކެކެވެ.
ވީޑިއޯ: އުނގެނުމާއި އުނގަންނައިދިނުމުގައި އައިސީޓީ އިންޓަގްރޭޓް ކުރާނެ ގޮތް.
އުނގެނުމުގައި އައިސީޓީ ބޭނުން ކުރުމުން ލިބޭނެ ފައިދާތައް
Reviewed by ވާޖިދާ ހާރޫން
on
يونيو 28, 2020
Rating:
Reviewed by ވާޖިދާ ހާރޫން
on
يونيو 28, 2020
Rating:
ވާޖިދާ ހާރޫން
އަޅުގަނޑަކީ ދިވެހި ބަހުގެ ޑިގުރީ ފުރިހަމަކުރުމަށްފަހު، ދިވެހި މުދައްރިސެއްގެ ހައިސިއްޔަތުން މަސައްކަތް ކުރަމުން އަންނަ މީހަކީމެވެ. އުނގެނުމާއި، އުނގަންނައިދިނުން އަދި ކިޔަވައިދިނުމާ ގުޅޭ އައު ކަންތައްތައް ހޯދާ ބެލުމަކީ، އަޅުގަނޑު ވަރަށް ބޮޑަށް ޝައުޤުވެރިވާކަމެކެވެ.
