އައިސީޓީ ބޭނުންކޮށްގެން ކިޔަވައިދިނުމުގައި ސަމާލުކަންދޭން ޖެހޭ ކަންތައްތައް.
4- ޑިވައިސް ބޭނުންކުރާއިރު، މުދައްރިސުންނާއި ދަރިވަރުން ސިއްހީ ގޮތުން
ވިސްނަން ޖެހޭ ކަންތައްތަކަށް އަހުލުވެރިވުން.
ކޮމްޕިޔުޓަރ ފަދަ ޑީވައިސްތައް ބޭނުންކުރާއިރު، މުދައްރިސުންނާއި
ދަރިވަރުން ސިއްހީ ގޮތުން ވިސްނަން ޖެހޭ ކަންތައްތަކެއް ވެއެވެ. އެންމެ
ފުރަތަމަ ކަމަކީ ގިނަ ވަގުތުތަކެއް ކޮމްޕިޔުޓަރ ކުރިމަތީގައި އިށީނދެގެން
ހޭދަކުރަން ޖެހޭނަމަ، "ބުރޭކް" ނެގުމެވެ. އެއީ ބުރަކަށީގައި ރިއްސުން،
ކަރުމަތީގައި ރިއްސުން، ލޮލަށް ލިބޭ ގެއްލުންތައް ފަދަ ކަންތައްތަކުން
ރައްކާތެރިވުމަށްޓަކައެވެ. ދެވަނަ ކަމަކީ ޑިވައިސް ބޭނުންކުރަން
އިންނައިރު، ހަމަޖެހިލައިގެން އިށީނދެލައިގެން އިނުމެވެ. ތިންވަނަ ކަމަކީ
އެކަށީގެންވާ މިންވަރަކަށް ޑިވައިސް، އަދި މާހައުލުގެ އަލިކަން
ބެހެއްޓުމެވެ. ތިންވަނަ ކަމަކީ ޑިވައިސް ބޭނުންކުރާ ތަނަކީ ވެންޓިލޭޝަން
ރަނގަޅު ތަނަކަށް ވުމެވެ. އެންމެ ފަހު ކަމަކީ ލޫސް ކޭބަލް ފަދަ
ކަރަންޓުގެ އެއްޗެހި ކުދިންނަށް ގެއްލުންވާގޮތަށް ނުބެހުއްޓުމެވެ. މިއީ
އައިސީޓީ ބޭނުންކުރުމުގައި، ސިއްހީ ގޮތުން މުދައްރިސުންނާއި ދަރިވަރުން
ވިސްނަންޖެހޭ ކަންތައްތަކެވެ.
Reviewed by ވާޖިދާ ހާރޫން
on
يونيو 29, 2020
Rating:
އަޅުގަނޑަކީ ދިވެހި ބަހުގެ ޑިގުރީ ފުރިހަމަކުރުމަށްފަހު، ދިވެހި މުދައްރިސެއްގެ ހައިސިއްޔަތުން މަސައްކަތް ކުރަމުން އަންނަ މީހަކީމެވެ. އުނގެނުމާއި، އުނގަންނައިދިނުން އަދި ކިޔަވައިދިނުމާ ގުޅޭ އައު ކަންތައްތައް ހޯދާ ބެލުމަކީ، އަޅުގަނޑު ވަރަށް ބޮޑަށް ޝައުޤުވެރިވާކަމެކެވެ.
